دوسری بار جھارکھنڈ کے وزیراعلیٰ بنے ہیمنت سورین، عظیم الشان تقریب میں لیا حلف

رانچی :جھارکھنڈ مکتی مورچہ (جے ایم ایم) مہاگٹھ بندھن کی قیادت کرنے والے ہیمنت سورین نے آج جھارکھنڈ کے گیارہویں وزیراعلی کے طورپرعہدے کا حلف لیا۔ گورنر ددروپدی مرمونے یہاں تاریخی مورہابادی میدان میں منعقدہ عظیم الشان تقریب میں جھارکھنڈ مکتی مورچہ کےایگزیکٹوچیئرمین  ہیمنت سورین کو وزیراعلی کےعہدے کا حلف دلایا۔ 44 سالہ ہیمنت سورین دوسری مرتبہ ریاست کے وزیراعلی بنےہیں۔ اس موقع پر ہیمنت سورین کے والد شیبو سورین اوران کی ماں روپی سورین کسکوکے ساتھ ہی کانگریس کے سابق صدرراہل گاندھی کےعلاوہ راجستھان کے وزیراعلی اشوک گہلوت، مغربی بنگال کی وزیراعلی ممتا بنرجی، چھتیس گڑھ کے وزیراعلی بھوپیش بگھیل اوربہار کے سابق نائب وزیراعلی اورراشٹریہ جنتادل (آر جے ڈی) لیڈرتیجسوی یادوموجود تھے۔