شراوتی ٹول گیٹ ٹول فیس سے پاک قرار

بھٹکلیس نیوز/یکم مارچ ،15 ہوناور(نامہ نگار)مرکزی وزیر برائے سر فیس  ٹرانسپورٹ نتن گڈگری  نے شراوتی پل  کے ٹول گیٹ کو  28/فروری  کی رات  12/بجے سے  ٹول سے  آزاد قرار دیا  ہے ،مرکزی  وزارت  سر فیس  ٹرانسپورٹ  کی جانب سے  کاروار  کے قومی شاہراہ  ڈویژن  کے ایگزیکیٹیو  انجینئر  اور ہوناور  کے سب انسپکتر  آف پولیس  کو جاری  نوٹفکیشن  کے  تحت  شراوتی  ٹول گیٹ  کو ٹول فیس  سے آزاد  قرار دیا گیا  ہے اس طرح  گزشتہ  18سال  سے اس پل  پر موٹر گاڑیوں  کے لئے  جاری  ٹول فیس  وصولی  بند ہو گی  ، اس سلسلہ میں  اخباری نمائندوں سے  بات کرتے ہوئے  سب انسپکٹر  منجو ناتھ گوڈا نے  کہا کہ چورخی  قومی شاہراہ  کے تعمیر  ی کام  کا کنٹراکٹ  حاصل کرنے  والی  آئی آر بی  کمپنی  نے کام شروع  کردیا ہے  اوراس کمپنی  نے ٹول گیٹ  حوالے کرنے  کا مطالبہ  کیا ہے  اسلئے  مرکزی  وزارت سر فیس  ٹرانسپورٹ  نے یہ احکامات جاری  کئے ہیں  ، انہوں نے  بتایا کہ 1971میں  1٫2کروڑ  کی لاگت سے  شراوتی  پل تعمیر  کر کے 16/لاکھ  روپئے  زمین معاوضہ  دیا گیا تھا  اور  11/اگست  1997 سے یہاں  موٹر گاڑیوں  سے  ٹول  فیس  وصول  کی جارہی تھی  ۔ ع،ح،خ