سارک: سشما کی سرتاج عزیز سے ملاقات

پوكھرا (نیپال)،17مارچ(ایجنسی) جنوبی ایشیا علاقائی تعاون تنظیم (سارک) کی 37 ویں وزرائے خارجہ سطح کی میٹنگ میں شامل ہونے کے لئے آج تمام رکن ممالک کے وزرائے خارجہ نیپال کے شہر پوكھرا پہنچ گئے۔ جمعرات کو ہونے والی اس میٹنگ میں شامل ہونے کے لئے سب سے پہلے ہندستان کی وزیر خارجہ سشما سوراج یہاں پہنچی اور اطلاع کے مطابق انہوں نے پاکستان کے وزیر اعظم نواز شریف کے امور خارجہ کے مشیر سرتاج عزیز سے ملاقات کی۔ اترپردیش کے گورکھپور سے ہندوستانی فضائیہ کے ایم آئی 17 ہیلی کاپٹر سے محترمہ سوراج پوكھرا پہنچیں۔