کشمیر میں عیدالفطر کے روح پرور اجتماعات کے بعد جھڑپیں

اس دوران وادی میں بدھ کو عیدالفطر کے پیش نظر ریل سروس معطل رہی۔ حریت کانفرنس (ع) کے چیئرمین اور متحدہ مجلس علماء جموں وکشمیر کے امیر میرواعظ مولوی عمر فاروق نے سری نگر کی تاریخی و مرکزی جامع مسجد میں اپنا معمول کا خطبہ دیا اور عید کی نماز ادا کی۔ انجمن اوقاف جامع مسجد سری نگر نے اعلان کر رکھا تھا کہ مسلسل موسلادھار بارشوں اور عیدگاہ میں نمی کے سبب عید الفطر کی نماز عیدگاہ سری نگر کے بجائے مرکزی جامع مسجد سری نگر میں ادا کی جائے گی۔