اب اسکاٹ لینڈ میں برطانیہ سے آزادی کے حامیوں کی بڑھی تعداد

لندن : برطانیہ سے یورپی یونین کے الگ ہونے کے بعد اسکاٹ لینڈ کے تقریباً 60 فیصد لوگ اب برطانیہ سے آزادی کی حمایت میں ہیں۔ ہفتہ وار اخبار ’دی سنڈے پوسٹ‘ کی طرف سے کرائے گئے اوپینین پول میں 59 فیصد لوگوں نے برطانیہ سے آزادی کی حمایت کی ہے۔ یہ تعداد سال 2014 میں کی گئی ریفرنڈم میں آزادی کے حق میں ہوئے 45 فیصد ووٹ سے کافی زیادہ ہے۔ اس وقت اسكاٹ لینڈ نے برطانیہ کے ساتھ رہنے کا فیصلہ کیا تھا۔ اسكاٹ لینڈ میں حکمران پارٹی کے رہنما نکولا اسٹرجن نے کل کہا تھا کہ آزادی کے سلسلے ایک نیا ریفرنڈم ہوسکتا ہے۔ سال 2014 میں ہوئے ریفرنڈم میں اسکاٹ لینڈ کے سب سے زیادہ لوگوں نے اس خیال کے ساتھ برطانیہ میں رہنے کے حق میں ووٹ دیا تھا کہ الگ ہونے سے وہ یورپی یونین سے باہر ہو سکتا ہے۔ جمعرات کو ہوئے تاریخی ریفرنڈم میں 84فیصد لوگوں نے یورپی یونین میں بنے رہنے کی حمایت کی لیکن برطانوی ووٹروں میں سے 52 فیصد ووٹ یورپی یونین سے الگ ہونے کے حق میں پڑے۔