کانگریس نے اقوام متحدہ انسانی حقوق کونسل میں ہند ستان کے منتخب ہونے پر مسرت کا اظہار کیا

کانگریس نے اقوام متحدہ کے انسانی حقوق کونسل میں زبردست ووٹوں کے ساتھ ہندستان کے منتخب ہونے پر اپنی خوشی کا اظہار کرتے ہوئے کہا کہ دنیا نے ہماری سوچ کی حمایت اور انسانی حقوق کے لئے ہمارےعزم پر مہر ثبت کی ہے۔کانگریس نے سنیچر کو یہا ں جاری ایک بیان میں کہا کہ اقوام متحدہ کی انسانی حقوق کونسل سے متعلق اعلی ادارے میں ہندوستان تیسری مرتبہ منتخب ہوا ہے اور عالمی برادری نے انسانی حقوق کےدفاع کے لئے ہمارے عزم پر یقین کا اظہار کیا ہے۔ ہندوستان نہ صرف اپنے شہریوں کے حقوق کے لئے پرعزم ہے بلکہ پوری دنیا کے انسانوں کے حقوق کی حمایت کرتا ہے۔ اقوام متحدہ کی 193 ممبری کونسل میں جمعہ کو ہوئے ووٹنگ میں 18 نئے ممبروں کا انتخاب کیا گیا جن میں ہندوستان کو ایشیا۔ بحرالکاہل زمرےمیں سبھی امیدواروں کے مقابلےمیں سب سے زیادہ ووٹ ملے۔ ہندوستان کو 193 ممبروں میں سے 188 ممبر ممالک کے ووٹ حاصل ہوئے۔