می ٹو معاملات کی سماعت کیلئے چار ریٹائرڈ ججوں کی کمیٹی دی جائے گی تشکیل ، مینکا گاندھی کا اعلان

جنسی استحصال کے خلاف شروع می ٹو مہم کے تحت سامنے آرہے معاملات کی سماعت کیلئے بہت جلد ایک کمیٹی تشکیل دی جائے گی۔ مرکزی وزیر مینکا گاندھی نے اس بات کی جانکاری دیتےہوئے کہا کہ ریٹائرڈ ججوں کی چار رکنی کمیٹی ان سبھی معاملات کی سماعت کرے گی۔ جنسی استحصال کے خلاف ان دنوں می ٹو مہم چلائی جارہی ہے۔ اس مہم میں کئی فلمی ہستیوں کے ساتھ ساتھ ملک کے مشہور افراد کے نام بھی سامنےآرہے ہیں ۔ می ٹی مہم کی وجہ سے خواتین کی شکایتیں بڑھتی جارہی ہیں ۔