منظم سازش کے تحت میرے خلاف لوک آیکتہ میں کی گئی شکایت :عبیداللہ شریف

کرناٹک کے کانگریس لیڈر عبیداللہ شریف نے کہاکہ ان کے خلاف منظم سازش کے تحت لوک آیکتہ میں شکایت درج کی گئی ہے۔ بنگلورو میں نیوز 18 اردو سے بات چیت کرتے ہوئے عبیداللہ شریف نے کہاکہ ایک شخص کو بیک وقت دو وقف اداروں کا صدر بننے میں کوئی رکاوٹ نہیں ہے۔ وقف ایکٹ میں کہیں بھی یہ بات نہیں کہی گئی ہے کہ ایک شخص دو اداروں کا صدر نہیں بن سکتا۔ واضح رہے کہ محمد ذوالفقار علی نامی سماجی کارکن نے عبیداللہ شریف کے خلاف لوک آیکتہ میں شکایت درج کرائی ہے۔ عبیداللہ شریف بیک وقت بنگلورو کے دو مشہور وقف اداروں کے صدرکے عہدے پرفائزہیں۔