محمد سمیع کو بڑی راحت ، میچ فکسنگ معاملہ میں بی سی سی آئی نے دی کلین چٹ ، کھیل سکیں گے آئی پی ایل

اس معاملہ میں نیرج کمار نے اپنی رپورٹ سی او اے کو سونپ دی ہے۔ بی سی سی آئی نے کرکٹر محمد سمیع کو ابھی الزامات سے بری کردیا ہے ۔ اس معاملہ میں جب تک کوئی دیگر ذرائع نہیں ملتے ہیں اس وقت تک کنٹریکٹ جاری رہے گا ۔ گزشتہ کافی دنوں سے ٹیم انڈیا کے تیز گیند محمد سمیع اپنی اہلیہ حسین جہاں کے الزمات کی وجہ سے میڈیا کی سرخیوں میں بنے ہوئے ہیں ۔ اس تنازع کی وجہ سے انہیں بی سی سی آئی نے سینٹرل کنٹریکٹ سے بھی باہر رکھا تھا اور آئی پی ایل میں ان کے کھیلنے پر بھی تذبذب پیدا ہوگیا تھا ۔ کارگزار صدر کھنہ نے آئی پی ایل کی گورننگ کونسل کی میٹنگ کے موقع پر پی ٹی آئی سے کہا تھا کہ اے سی یو سربراہ نیرج کمار جانچ کررہے ہیں اور انہیں سات دن کا وقت دیا گیا ہے اور ان کی رپورٹ آنے کے بعد ہی کوئی فیصلہ کیا جائے گا۔ آخری فیصلہ سی او اے کے ذریعہ لیا جائے گا۔