اترپردیش : اجودھیا تنازع کا حل عدالت سے نہیں نکلے گا : شری شری روی شنکر

اپوزیشن کے الزامات پر شری شری نے کہا کہ جہالت کا مظاہرہ کرنے کا سبھی کو حق ہے ۔ قبل ازیں گورکھپور سے بلرام پور کیلئے روانہ ہوتے ہوئے شری شری نے رام مندر کی تعمیر کو لے کر کہا کہ ان کی کوشش ہے کہ مندر عام اتفاق رائے سے بنے اور اس کیلئے کوششیں کی جارہی ہیں اور اچھے نتائج آرہے ہیں۔ گزشتہ روز وزیر اعلی یوگی سے ہوئی ملاقات کے سوال کو ٹالتے ہوئے شری شری نے کہا کہ ترقی اور ملک کے معاملات پر گفتگو ہوئی ۔ روحانی گرو نے ان کی کوششوں کی جاری مخالفت پر کہا کہ کچھ لوگ مخالفت کررہے ہیں ، اچھے کام کی مخالفت ہوتی ہی ہے ، مگر اس سے کچھ رکے گا نہیں ۔ روی شنکر نے کہا کہ رام مندر تعمیر کو لے کر ان کی کوششوں کو کامیابی ضرور ملے گی ۔