راجناتھ سنگھ نے ریاستوں کوروہنگیا پناہ گزینوں کے بایومیٹرک ڈیٹا جمع کرنے کا حکم دیا

وزیرداخلہ راجناتھ سنگھ نے پیرکو کہا کہ انہوں نے ریاستوں کو روہنگیا پناہ گزینوں کی اطلاعات اکٹھا کرنے کے لئے کہا ہے۔ انہوں نے بتایا کہ اس کے لئے ریاستوں سے ان کا بایومیٹرک تفصیل جمع کرنے کے لئے کہا گیا ہے۔ انہوں نے کہا کہ مرکز سفارتی ذرائع سے جمع کئےگئے بایومیٹرک تفصیل میانمارکو بھیجے گا۔ راجناتھ سنگھ نے بین ریاستی تعلقات اورسیکورٹی معاملوں سے متعلق معاملات پرغورکرنے کے لئے مشرقی علاقائی کونسل کی میٹنگ کی صدارت کی۔