رام مندراجودھیا میں نہیں، تو کیا پاکستان میں بنے گا: جھارکھنڈ کے وزیراعلیٰ رگھوورداس

جھارکھنڈ کے وزیراعلیٰ رگھوورداس نے رانچی میں منعقدہ ایک  نجی پروگرام میں کہا کہ رام مندراجودھیا میں نہیں بنے گا، تو کیا پاکستان میں بنے گا۔ انہوں نے کہا  "بھگوان رام ہمارے لئے انتخابی موضوع نہیں ہیں۔ ان کی جائے پیدائش اجودھیا میں رام مندر بنانا ہرہندوستانی کی خواہش ہے"۔ وزیراعلیٰ نے کہا کہ اجودھیا کے لوگوں کے ساتھ ساتھ  مسلم بھائی بھی یہی چاہتے ہیں کہ اجودھیا میں رام مندر کی تعمیر ہو، لہٰذا اتفاق رائے سے رام مندربننا چاہئے۔ نکسلی پریشانیوں کو لے کرانہوں نے کہا کہ جلد ہی جھارکھنڈ نکسلی پریشانیوں سے آزاد ہوجائے گا۔