'جیند الیکشن نتیجہ: جیت کے بعد انل وج کا بیان، راہل گاندھی کا 'ہیرا' نکلا 'کوئلہ

ہریانہ کے جیند اسمبلی سیٹ پر ہوئے ضمنی الیکشن میں کرشنا مڈا کی جیت سے بی جے پی لیڈر کافی خوش ہیں۔ بی جے پی کے ایم ایل اے اور وزرا نے اس جیت کو جیند کی عوام کی جیت بتایا ہے۔ ہریانہ کے صحت اور کھیل کے وزیر انل وج نے اس جیت پر خوشی ظاہر کرتے ہوئے کانگریس پر بھی نشانہ لگایا ہے۔ انہوں نے کانگریس کے ذریعے رندیپ سرجے والا کو جیند میں امیدوار بنانے پر چٹکی لی ہے۔ وج نے کہا ' راہل گاندھی کا ہیرا، سرجے والا جیند ضمنی انتخابات میں کوئلہ ثابت ہواہے'۔ انل وج نے کہا ، 'راہل گاندھی نے سرجے والا کو ہیرا سمجھا تھا، مگر ان کا ہیرا الیکشن میں تیسرے مقام پر رہا۔ عوام نے راہل گاندھی کے اس ہیرے کو مسترد کر دیا ہے۔ جیند کے لوگوں نے سرجے والا کو دھول چٹا دی ہے"۔