منی شنکر ائیر کے بیان سے گجرات اسمبلی انتخابات میں کانگریس کو نقصان ہوا : کانگریس لیڈرسچن پائلٹ

ممبئی : راجستھان ریاستی کانگریس کمیٹی کے صدر سچن پائلٹ نے نسل پرستی پر کہا کہ اگر آپ کسی سیاسی پارٹی کے لیڈر کے یہاں پیدا ہوگئے ۔ تو ا سے ڈسکوالیفکیشن نہیں مانا جانا چاہئے ۔ میں نے تو پہلے دن سے ہی ارادہ کرلیا تھا کہ میں سیاست کروں گا اور اپنے دم پر کروں گا ۔ مجھے میرے والد کا جو نام ملا ہے ، اس پر بہت فخر ہے ۔ انہوں نے 19 سال سیاست کی اور اس دوران کو جو کمایا ، اس کا ایک حصہ بھی میں 17 سال میں نہیں کما پایا ہوں ۔ پائلٹ نے کہا کہ ہر پانچ سال بعد عوام فیصلہ کرتے ہیں کہ آپ کامیاب ہیں یا ناکام ۔ آپ لوگوں کو فکر رہتی ہے ، لیکن آپ سے زیادہ عوام کو فکر ہے کہ جس شخص کو ہم ووٹ ڈال رہے ہیں ، وہ اس لائق ہے یا نہیں ۔ عوام کے امتحان میں جو پاس ہوتے ہیں تو اسے دست بستہ ہوکر قبول کرنا چاہئے ۔ نیوز 18 انڈیا کے چوپال پروگرام کے دوران کشور اجوانی سے سچن پائلٹ نے کہا کہ این ڈی اے حکومت ہر معاملہ میں ناکام ثابت ہورہی ہے ، لوگ ملک کا پیسہ لے کر ملک سے بھاگ رہے ہیں اور وزیر اعظم اس پر خاموشی اختیار کئے ہوئے ہیں۔