ایرکسن معاملہ: سپریم کورٹ نے انل امبانی کو توہین عدالت کے معاملے میں ٹھہرایا قصوروار، بقایا نہیں چکایا تو جاسکتے ہیں جیل

ارکسن انڈیا کا الزام ہے کہ ریلائنس گروپ کے پاس رافیل ڈیل میں سرمایہ کیلئے رقم ہے لیکن وہ اس کے 550 کروڑ کے بقایا کی ادائیگی نہیں کر رہے ہیں۔ حالانکہ انل امبانی کی قیادت والی ریلائنس کمیونیکیشن نے اس الزام سے انکار کیا تھا۔ کمپنی نے سپریم کورٹ کو بتایا کہ ریلائنس جیو کے ساتھ املاک کی فروخت کا سودا فیل ہونے کے بعد ان کی کمپنی دیوالیہ پن کیلئے کارروائی کر رہی ہے۔ ایسے میں رقم پر اس کا کنٹرول نہیں ہے۔ ریلائنس کمیونیکیشن آرکام ) نے عدالت کو بتایا تھا کہ اس نے ارکسن کے بقایا ادائیگی کو یقینی بنانے کیلئے جیو کے ساتھ اس کا سودا نہیں ہو پایا۔