می ٹو مہم : ہتک عزت معاملہ میں ایم جے اکبر نے عدالت میں درج کرایا اپنا بیان

خارجہ امور کے سابق وزیرمملکت ایم جے اکبر نے صحافی پریہ رمانی کے خلاف دائر ہتک عزت کے اپنے مقدمہ کے سلسلہ میں بدھ کو دہلی کی ایک عدالت میں بیان درج کرایا۔ رمانی نے مسٹر اکبر کے خلاف تقریباََ 20برس پہلے جنسی استحصال کا الزام لگایا ہے۔ مسٹر اکبر ایڈیشنل چیف میٹروپولیٹن مجسٹریٹ سمر وشال کی عدالت میں پیش ہوئے اور کہا کہ رمانی نے جان بوجھ کر ، ارادتاََ اور بدنیتی سے میرے خلاف ہتک عزت کرنے والے الزام لگائے ہیں۔ انہوں نے کہاکہ ایک ایجنڈہ کو پورا کرنے کے لئے ارادتاََ ان کے خلاف ایک جھوٹی شکایت نشر کی گئی۔انہوں نے کہاکہ رمانی نے نہ صرف سماج میں ان کے شبیہ کو گہری چوٹ پہنچائی ہے بلکہ ان کے ایسا کرنے سے برادری، دوستوں، کنبہ اور معاونین کے درمیان ان کی شبیہ کو ناقابل تلافی نقصان پہنچا ہے۔ اس سے کافی انہیں بہت تکلیف ہوئی ہے۔