مجلس اصلاح و تنظیم چے وفد چی تحصلدارا سرین خصوصی ملاقات

مجلس اصلاح و تنظیم چے وفد چی تحصلدارا سرین خصوصی ملاقات بھٹکلیس نیوز / 25 مارچ، 13 بھٹکل / (بھٹکل بیورو) آز تمپرا 04:00 گھنٹار مجلس اصلاح و تنظیم بھٹکل چو ایک وفد بھٹکل تحصیلدار ڈاکٹر مدھوکیشور سرین خصوصی ملاقات کرون وھتو ۔ ہیں موقعار وفد چی نمائندگی کرتے صدر تنظیم جناب قاضیا محمد مزمل صاحب وؤٹر لسٹے ٹکون کافی تعداد بتر ناویں غائب زالّی انی نوے دیلّی ناویں کوں اے ناتون رہاؤنچی وجہ پوسون وھتے ۔ ہیجی وضاحت بتر تحصیلدار سانگلے کہ اکثر افراد ایک علاقہ ٹکون دوسرے علاقہ بتر منتقل زاتے رہاتات انی جیتاں امچے افسران سروے سبب پاؤتات ترین تیں اپلے گھرات موجود رہا ناہی ، تا سبب تینچی ناویں بھزؤن وتا ۔ ہیجے علاوہ بعض مانشیں اسلی کوں واٹیت جے کون دوسرے گاواں ٹکون ہنگا یؤن رہاتات انی اپلے گاواں بتر وؤٹر لسٹے بترلان ناؤں ڈلیٹ زالّی رسید دے ناتون رہاؤنچان اسلے افراد چے ناؤں کوں وؤٹر لسٹے بتر درج کرون وشے ناہی ۔ اگر تصدیق کرے ناتون اسلی ناویں برؤن وتا ترین اعلیٰ افسران چے سامّے جواب دیؤنکا پڑتا ۔ جنرل سکریٹری تنظیم جناب الطاف کھروری صاحب شکایت کرتے سانگلے کہ اکثر مانشیں جیتاں وؤٹر لسٹے بتر اپلے ناؤں درج کرو یا ایڈریس تبدیل کروچا سبب پولنگ بوتھ بتر وتات ترین تنگا تینکاک پریشان کرون وتا انی اشی کچ دوسرے ٹھاوا ویلان کوں تینکاک واپس فیٹؤن ہیارچان تاری تارچان ہیاری فیٹؤن وتا ۔ ہیجی وضاحت کرتے تحصیلدار سانگلے کہ ہر پولنگ بوتھ اوپر ایک آفسر مقرر واٹے انی ہیجی ذمہ داری اشے کہ تو ہیں سلسلہ بتر عواما چو تعاون کروکاز ہیجے سبب باقاعدہ حکومتے طرفین آفسراں تربیت کوں دیؤن وتا ۔ اگر کونتو کوں آفسر ہیں سلسلات غفلت کرتا ترین فوراً تحصیلدار دفتر بتر شکایت کرون وسوکاز ۔ ہیں موقعار حالیہ میونسپال انتخابات بتر زالّی کئی ایک پریشانیا چو کوں تذکرہ تحصلدارا سامّیں کرون تینچے کڑے ہیجے سبب اقدامات کروچی مانگ کرون گیلی ۔ ہیجے علاوہ بھٹکلی عواما پاسپورٹ انکوائری سلسلات زاتلی پریشانیا چی کوں شکایت تحصلدارا کڑے کرون گیلی ، ہیجیت خصوصاً Residential Certificate  سبب زاتلے مسائل چو تذکرہ کرون گیلو ۔ تنظیم چے ہیں وفد طرفین تحصیلدارا کڑے ممکنہ حد سر عواما تکلیفات پوسون ورؤنچی انی ہرکام نکّے طورار انجام دیؤنچی درخواست کرون گیلی ۔