اُردو کے مشہور شاعرظفرگورکھپوری کا جسدِ خاکی سپردِ لحد
10:55AM Thu 3 Aug, 2017
اتوار کو بعد نمازِ ظہر شعرو ادب کے ممتاز اور معاشرے کے سرکردہ اشخاص نے نم آنکھوں سے مٹی دی
ممبئی 30جولائی(فرحان حنیف وارثی؍ایجنسی) اُردو کے مشہور شاعر اور ترقی پسند تحریک کی آخری آخری کڑی ظفر گورکھپوری کے جسدِ خاکی کو آج بعد نمازِ ظہر اندھیری کےچار بنگلہ مسلم قبرستان میں سپردِ لحد کیا گیا۔
واضح رہے کہ گزشتہ سنیچر۲۹جولائی کی شب ۱۱بجے طویل علالت کے بعد اپنی رہائش گاہ پر انھوں نے آخری سانسیں لیں ۔ان کی عمر 83 سال تھی۔ انہیں خصوصی طورپر بچوں کے ادب کے لئے بھی یاد رکھا جائے گا۔مرحوم 1950 کے عشرے میں ترقی پسند تحریک سے وابستہ ہوئے۔
تدفیں کے موقع پر ادبی، سماجی اور صحافتی شعبوں سے منسلک متعدد اشخاص موجود تھےجن میں مفتی عزیز الرحمان فتح پوری، احمد کلیم فیض پوری،فاروق سید،سید ریاض رحیم،وقار قادری،عطاء الرحمان ،طارق ،حکیم شولاپوری،مصطفیٰ پنجابی ،ڈاکٹر شیخ عبداللہ،عرفان جعفری،سکندر مرزا،کلیم ضیا، میر ساجد علی قادری ،حامد اقبال صدیقی ،عبید اعظم اعظمی، ظہیر انصاری ،دیومنی پانڈے،افسر دکنی،شاہد لطیف ،مراق مرزا،ندیم صدیقی،مشیر انصاری ندیم فاضلی، شکیل احمد شکیل، تجمل حسین زاہد،رحیم سید اور میرصاحب حسن وغیرہ قابلِ ذکر ہیں۔ پسماندگان میں اہلیہ کتاب النسا کے علاوہ تین بیٹے اعجاز، امتیاز اور خالد ہیں جبکہ ایک صاحبزادے جاویداوربیٹی کا چند سال قبل انتقال ہو چکا ہے۔ظفر گورکھپوری کا نام ظفرالدین اورتخلص ظفرتھا۔وہ 5 مئی 1935 کو ضلع گورکھپور یو پی کی تحصیل بانس گائوں کے ایک دیہات بیدولی بابو میں پیدا ہوئے۔ بچپن ہی میں وہ تلاش معاش میں بمبئی آئے اور پھریہیں کے ہو کر رہ گئے۔ ظفرگورکھپوری نے پہلے کچھ افسانے لکھے ،پھر شعر ، پہلا شعر غالباً 1949ء میں کہا تھااور پھر 1953 میں ترقی پسند تحریک میں شامل ہوگئے۔مرحوم ظفر گورکھپوری کاکہنا تھا کہ "فراق ،بنے بھائی ( سجاد ظہیر ) ، علی سردار جعفری، کیفی اعظمی، کرشن چندر ، مہندر ناتھ، ظ انصاری، اور مجروح وغیرہ کاساتھ ملا تو صلاحیتوں کو جلاملی، لیکن بہت جلد یہ سمجھ میں آگیا کہ ادب کو کسی مخصوص نظریے کی تشہیر کا ذریعہ نہیں ہونا چاہئے اور نہ اسے ذات مختصر کے دائرے کا اسیر ہونا چاہئے۔ تب سے دونوں کے درمیان اپنی راہ نکالنے کی کوشش کر رہا ہوں۔ شعر گوئی کی ابتدا نظم سے ہوئی تھی۔ دو دہائیوں سے کچھ زیادہ ہی عرصے تک نظمیں کہتا رہا۔ لیکن جانے کیوں ادھر چند برسوں سے غزل نے من موہ لیا ہے۔ "
ظفرگورکھپوری ممبئی میونسپل کارپوریشن کے محکمۂ تعلیم میں معلم کی حیثیت سے خدمت انجام دیتے رہے اورتین دہائیوں کی ملازمت کے بعد یکم جولائی1993ء کو سبکدوش ہوئے اور اردوادب کی خدمت میں لگ گئے۔
ظفرگورکھپوری نے کئی فلموں میں گیت بھی لکھے تھے جن میں 1972میں ریلیز ہونے والی فلم ’’پتلی بائی‘‘کی قوالی’’ایسے بے شرم عاشق ہیں یہ آج کے ‘‘کافی مشہور ہوئی تھی۔یہ قوالی اصلی یوسف آزاد اوررشیدہ خاتون نے گائی تھی۔اس کے بعدزمانے سے پوچھنا (1976)،نورالٰہی(1976)،آتش(197
Photos
