سفرنامہ کی حیثیت ایک تاریخی دستاویز کی ہوتی ہے : مولانا سعید الرحمن اعظمی

مولانا شاہد سہارن پوری نے اپنے خطاب میں کہاکہ شیر میسور ہندوستان کی تاریخ میں نمایاں مقام رکھتے ہیں ،وہاں کا سفر یادگار اور بے مثال تھی ۔ مفتی عثمانی صاحب نے اس سفر کی روداد کو مرتب کرواکر بہت بڑا کارنامہ انجام دیا ہے۔ مولانا سفیان قاسمی صاحب مہتمم درالعلوم وقف دیوبند نے اپنے خطاب میں کہاکہ سفرنامہ کی اہمیت ہر زمانہ میں رہی ہے ،دوسرے مقامات پر جانا ،وہاں کے حالات سے واقفیت حاصل کرنے اور اسے دوسروں تک پہنچانا ،بہت اہم کام ہے ۔ انہوں نے اس موقع پر مفتی عثمانی اور مرتب کتاب کو مبارکباد پیش کی۔ مفتی محفوظ الرحمن عثمانی صاحب نے اپنے خطاب میں کہاکہ شیر میسور ٹیپو سلطان ہندوستان کی تاریخ کے نمایاں باب ہیں ۔ ان کی زندگی سے وابستہ ہر چیز عظیم اور تاریخی ہے ،وہاں کا سفر بہت ہی خوشگوار تھا اس لئے اس کتاب کا نام خوشبوکا سفر رکھاگیا ہے۔ مفتی عثمانی صاحب نے اس موقع پر تمام شرکا کا شکریہ ادا کیا۔ علاوہ ازیں پروگرم سے مولانا حکیم عثمان استاذ حدیث مسجد نبوی شریف ،مفتی زاہد علی خان علی گڑھ مسلم یونیورسیٹی سمیت متعددلوگوں نے اپنے خیالات کا اظہار کیا ۔ اس موقع دبئی میں قیام پذیر ہندوستانی ،پاکستانی سمیت متعدد ملکوں کی عوام کے علاوہ عرب حضرات بھی شریک تھے ،جن میں مولانا ثمین اشرف قاسمی ،قاری عبد الحمدید ندوی صاحب ،حاجی شفع اللہ لطفی صاحب ،جناب ساجد مہتاب صاحب ،جناس سلیم الرصاصی، صاحب ،مفتی لقمان مقری ،مولاناذاکر ندوی ،جناب اسلم ،محترم پرویز صاحب ،خورشید اعظمی صاحب،مولانا اسحاق صاحب سمیت متعدد لوگوں کے نام قابل ذکر ہیں ۔