وزیر خزانہ نرملا سیتا رمن کا بڑا اعلان- مہاجر مزدوروں کو دو ماہ تک مفت اناج ملے گا

نئی دہلی: وزیر خزانہ نرملا سیتا رمن نے کہا کہ مہاجر مزدوروں کے لئے تین قدم، سبھی مہاجر مزدوروں کو دو ماہ تک مفت اناج، کارد ہولڈرس کو گیہوں چاول پہلے ہی ملتا ہے۔ پہلے کے اعلان ویسے ہی چلتےرہیں گے، لیکن جن پاس راشن کارڈ نہیں ہے انہیں 5 کلو چاول اور ایک کلو چنا دیا جائے گا۔ ریاستیں یہ مدد مزدوروں تک پہنچائیں گی۔ انہوں نے کہا کہ مہاجر مزدوروں اور شہری غریبوں کے لئے پردھان منتری آواس کے تحت جلد ہی رینٹل ہاوسنگ اسکیم لائی جائے گی۔ نرملا سیتا رمن نے کہا کہ اس اسکیم کے لئے غریبوں کو کم کرائے میں رہنے کے لئے گھر ملے گا۔ نرملا سیتا رمن نے کہا کہ کسی بھی ریاست کا راشن کارڈ دکھا کر کہیں بھی راشن کارڈ لیا جاسکے گا۔ سرکار جلد ہی ایک ملک ایک راشن کارڈ اسکیم لانے جارہی ہے۔ وزیر مملکت برائے خزانہ انوراگ ٹھاکر نےکہا کہ ریہڑی، پٹری، ٹھیلا والے لوگوں کے لئے 5000 ہزار کروڑ کی سہولت، ڈیجیٹل ادائیگی کرنے والوں کو انعام دیا جائے گا۔ اس میں 50 لاکھ لوگوں کو فائدہ ملے گا۔ انوراگ ٹھاکر نے کہا کہ سبھی مزدوروں کو تقرری کے خط بھی دیئے جائیں گے۔ نرملا سیتا رمن نے کہا کہ مزدوروں کو رات میں کام کرنے کے طریقوں کو محفوظ کرنے پر بھی کام کیا جارہا ہے اور غیر منظم سیکٹر کے مزدوروں کو بھی اس میں شامل کیا جائے گا۔ پارلیمنٹ میں اسے لے کر کام چل رہا ہے۔ انہوں نے کہا کہ جن اداروں میں 10 سے زیادہلوگ کام کر رہے ہیں، وہاں ای ایس آئی سی کے ذریعہ فائدہ پہنچائے گا۔ جہاں بھی خطرے والی جگہوں پر مزدور کام کر رہے ہیں، وہاں ای ایس آئی سی کا پابند کیا جائے گا۔ سماجی تحفظ کی اسکیم بھی ہر جگہ نافذ کی جائے گی۔