عمران خان نے حلف برداری کےلئےعامرخان، کپل دیو، گواسکراورسدھوکوبھیجا دعوت نامہ

اس سے قبل یہ خبریں آرہی تھیں کہ  وزیراعظم عہدہ کی حلف برداری تقریب میں ہندوستان کے وزیراعظم نریندرمودی سمیت کئی ممالک کے وزرائے اعظم اورصدرجمہوریہ کو دعوت دینے پر عمران خان غورکررہے ہیں۔ اسے دونوں ممالک کے درمیان دوستی کے لئے ایک بہترین پہل سے تعبیر کیا جارہا تھا۔ تاہم ابھی تک وزیراعظم مودی کو دعوت نامہ بھیجنے کی اطلاع نہیں مل سکی ہے۔ اس سال جولائی میں ختم ہوئے پاکستان انتخابات میں عمران خان کی قیادت والی پی ٹی آئی نے نیشنل اسمبلی کی 116 سیٹوں پر جیت حاصل کی ہے۔ وہ سب سے بڑی پارٹی بنی ہے۔ حالانکہ حکومت بنانے کے لئے پارٹی کو 22 دیگر ممبران کی حمایت کی ضرورت ہے۔ خان نے پیر کو کہا کہ وہ 11 اگست کو وزیراعظم عہدہ کا حلف لیں گے۔