ائیر اسٹرائک پر راہل گاندھی کا جوابی حملہ، کہا۔ فوج مودی جی کی نجی ملکیت نہیں

انہوں نے کہا کہ یہ بات انہوں نے گزشتہ انتخابات میں مودی کو ملی شکست کے تجربے کی بنیاد پر کہہ رہے ہیں۔ سامنے شکست دیکھ کر وہ کچھ نہ کچھ نیا کرنے کی کوشش کر کے ووٹروں كو متاثر کرنے کی کوشش کرتے ہیں۔ گجرات میں ہار رہے تھے تو وہاں ’سی پلین‘جیسا نیا کام کرکے لوگوں کو متاثر کرنے کی کوشش کی۔ راہل گاندھی نے وزیر اعظم پر فوج کی سیاست کرنے کا الزام لگایا اور کہا کہ  مودی فوج کو اپنی ذاتی ملکیت سمجھتے ہیں۔ فوج کسی کی ذاتی ملکیت نہیں ہے۔ وزیر اعظم تینوں فوجوں کو اپنی پراپرٹي سمجھتے ہیں اور فوج کی توہین کرتے ہیں۔ انہوں نے کہا کہ فوج نے اپنا کام کیا ہے اور وہ کسی شخص کی نہیں بلکہ ملک کی ہے، وزیر اعظم کو اس کی سیاست نہیں کرنی چاہئے اور فوج کا احترام کرنا چاہئے۔ انہوں نے الزام لگایا کہ وزیر اعظم نے ملک کے نوجوانوں کا روزگار چھینا ہے، نوٹ بندی اور جی ایس ٹی نافذ کرکے ملک کے کاروباریوں کو برباد کیا ہے۔ ان کی کمزور اقتصادی پالیسی کی وجہ سے متوسط طبقہ کی کمر ٹوٹ گئی ہے۔