عالم اسلام کو بھٹکلیس کی جانب سے عید الاضحی مبارک ہو

عیدالاضحیٰ کا دن سنتِ ابراھیمی کی یاد تازہ کرتا ہے اور یہ ایک ایسی عبادت ہے جو ہمیں ایثار ، محبت اور اللہ رب الکریم کی خوشنودی کا راستہ دکھاتی ہے۔ حج کا اجتماع عالمی اخوت کا یادگار اور اثرانگیز منظر ہوتا ہے جو بھائی چارہ ، مساوات ، یگانگت اور مختلف ممالک کے مسلمانوں کی یکجہتی کا بھی ایک بہترین نمونہ ہے۔ ہم اس موقع پر ادارہ بھٹکلیس کی جانب سے عالم اسلام کے تمام مسلمانوں اور حجاج کرام کو  عید کی مبارکباد پیش کرتے ہیں اور دعا کرتے ہیں کہ اللہ تعالیٰ تمام حجاج کرام کا حج قبول فرمائے اور ان کی دعاؤں کو قبول کرتے ہوئے دنیا بھر کے مسلمانوں پر جو مصائب آئے ہوئے ہیں انہیں دور فرما دے ، آمین۔