مسجدالحرام:نماز جمعہ سے پہلے امام پرحملہ کی ناکام کوشش کےبعدایک شخص گرفتار، منگل کوپیش آیاتھاپہلاواقعہ

مکہ مکرمہ میں جمعہ کی نماز سے قبل مسجد الحرام میں ایک واقعہ پیش آیا جس میں ایک شخص احرام کی حالت میں مسجد الحرام کے منبر میں داخل ہونے کی کوشش کی ۔یہ واقعہ اس وقت پیش آیا جب شیخ بلیلہ خطبہ دے رہے تھے ۔اس شخص کو فورا پبلک سیکیورٹی کے عہدیداروں نے پکڑ لیا اور اسے حراست میں لے لیا گیا ہے۔حرمین شریفین کے آفیشل ٹیوٹر پر اس واقعہ کی ویڈیو پوسٹ کی گئی۔حرمین شریفین کے اس پوسٹ میں بتایا گیا کہ مذکورہ شخص کے پاس ہتھیار بھی تھا جو مسجد الحرام کے خطیب کی طرف آگے بڑھ رہا تھا ۔اس کے خلاف قانونی کارروائی کی جارہی ہے۔  

VIDEO: Attempt by a man to approach the Khateeb during Jumu’ah Khutbah was thwarted by security officials on Friday pic.twitter.com/mFrNu5iUt6

— Haramain Sharifain (@hsharifain) May 21, 2021

سعودی گزٹ کی ایک رپورٹ میں بتایا گیاہےکہ مکہ ریجن پولیس کے ترجمان کا کہناہے کہ اس شخص کو گرفتار کرلیاگیاہے۔ وہیں عرب نیوز کے مطابق اس شخص کے پاس موجود ہتھیار کو بھی ضبط کرلیاگیاہے۔ ایک ہی ہفتے کے دوران مسجدالحرام میں اپنی طرز کا دوسرا واقعہ ہے۔