حرم کا میزنائن فلور طواف ٹریک معذوروں کے لئے مختص

مسجد حرام اور بیت اللہ کی توسیع کے جاری منصوبے میں میزنائن فلور پر 10 میٹر چوڑا طواف ٹریک وہیل چیئرز کے لیے مختص کیا گیا ہے جہاں مُعمر اور معذور حجاج ومعتمرین بآسانی طواف کر سکیں گے۔ العربیہ ڈاٹ نیٹ کی رپورٹ کے مطابق اس ٹریک میں طواف کرنے والے خصوصی افراد کے لئے خانہ کعبہ کے دیدار کو یقینی بنانے کا اہتمام کیا گیا ہے۔ توسیع منصوبے کے ماہرین کا کہنا ہے کہ وہیل چیئر ٹریک کا کام 80 فی صد مکمل کیا جا چکا ہے۔ آئندہ چند ماہ کے دوران اسے مکمل کر لیا جائے گا۔