ممتا بنرجی کا وزیر اعظم مودی پر طنز ، صرف بیان بازی سے نہیں رکے گا گائے کے نام پر قتل

کلکتہ : مغربی بنگال کی وزیر اعلیٰ ممتا بنرجی نے گائے کے نام پر معصوم لوگوں کے قتل کی شدید مذمت کرتے ہوئے کہا ہے کہ صرف بیان بازی سے کام نہیں چلنے والا ہے ۔ وزیر اعلیٰ ممتا بنرجی نے ٹوئیٹ کرتے ہوئے لکھا ہے کہ ہم گؤرکشکوں کے ذریعہ گائے کے نام پر ہجومی تشدد کے واقعات کی شدید مذمت کرتے ہیں ۔اس کو کسی بھی صورت میں روکنا ہوگا ۔صرف بیان بازی کافی نہیں ہے۔