فوجی سربراہ کی دو ٹوک : دہشت گردی کی حمایت بند کرے پاکستان ، جواب دینے کے کئی طریقے ہیں ہمارے پاس

ہندوستانی فوج کے سربراہ بپن راوت نے پاکستان کو سخت وارننگ دیتے ہوئے کہا ہے کہ اگر اس نے دہشت گردی کی حمایت بند نہیں کی ، تو فوج کے پاس جواب دینے کے دیگر طریقے بھی ہیں ۔ فوجی سربراہ نے کہا کہ پاکستان کی طرف سے درندازی مسلسل جاری ہے ، دہشت گردوں کو مسلسل ٹریننگ دی جارہی ہے اور پاکستانی فوج کی طرف سے انہیں لگاتار مدد فراہم کی جارہی ہے۔ فوجی سربراہ نے کہا کہ اس کا نقصان پاکستان کو ہی ہوگا۔ انہوں نے کہا کہ جو دہشت گرد ملک میں دراندازی کرتا ہے ہم اس کو گھر میں ختم کرسکتے ہیں ، لیکن یہ ماحول بنا رہا تو ہمارے پاس کارروائی کے اور بھی وسائل ہیں اور ہم کر بھی کرسکتے ہیں ۔ اچھا ہوگا کہ پاکستان خود سمجھ جائے کہ اس طرح کی کارروائی سے کوئی فائدہ نہیں۔