اے ایم یو میں منایا گیا سرجیکل اسٹرائیک، سرحد پرفوج کی قربانیوں کو یاد کیا گیا

علی گڑھ مسلم یونیورسٹی میں سرجیکل اسٹرائک ڈے نہایت جوش وخروش کے ساتھ منایا گیا۔  اس موقع پرمنعقدہ  جلسہ میں کرنل ایس وارت نے بطورمہمانِ خصوصی شرکت کی۔ وہیں یونیورسٹی کے رجسٹرارآئی پی ایس آفیسرعبدالحمید نے بھی طلباء کو خطاب کرتے ہوئے فوج کے ذریعہ دی جانے والی قربانیوں کو ذکرکیا۔  اس موقع پریونیورسٹی کے این سی سی کیڈٹس بڑی تعداد میں موجود رہے۔ حکومت ہند کی جانب سے پاکستان کے اوپرفوج کے ذریعہ کی گئی سرجیکل اسٹرائک کو اس مرتبہ باقاعدہ منانے کے احکامات جاری کئے گئے تھے۔ سیاسی سطح پراس احکام کی مخالفت بھی کی گئی۔ یوجی سی کی جانب سے جاری ہدایات کے تحت آج مسلم یونیورسٹی کے این آر ایس سی کلب میں سرجیکل اسٹرائک ڈے باقاعدہ منایا گیا۔ اس موقع پر منعقدہ جلسہ میں فوج کی قربانیوں اوران کے کارناموں سے طلباء کوواقف کرایا گیا ۔