صرف ہندوہی نہیں مسلمان بھی چاہتے ہیں رام مندرکی تعمیرہو: مرکزی وزیراشونی چوبے کا شوشہ

 انہوں نے کہا کہ "وہ شری رام کوبھگوان کے طورپرمانے نہ مانیں، لیکن عظیم شخصیت مانتے ہیں۔ اس لئے مجھے یقین ہے کہ سب لوگ مل کراجودھیا میں بھگوان رام کی شاندارمندربنوانے کا کام پورا کریں گے۔ چاہے قانون سے ہو، کورٹ سے ہویا پھرآپسی اتفاق سے۔ یہی عوام کا جذبہ ہے"۔وزیرمملکت صحت اشونی چوبے نے بہارمیں سیٹوں کی تقسیم سے متعلق کہا "آئندہ دو تین دن میں سب کچھ واضح ہوجائے گا۔ اوپیندرکشواہا اوررام ولاس پاسوان بی جے پی کے ساتھ تھے، ہیں اوررہیں گے۔ 2019 کے الیکشن میں بہارنریندرمودی کو پھرسے وزیراعظم بنانے کا کام کرے گا۔ سبھی سیٹوں پرہم مل کرلڑیں گے اورجیتیں گے۔ آرجے ڈی اورکانگریس کے خواب کبھی پورے نہیں ہوں گے۔ ان سب کا جھنجھنا رکھا رہ جائے گا"۔ اشونی چوبے نے کہا کہ "بی جے پی صدرامت شاہ نے سارے پہلووں پرغورکرنے کے بعد ہی شیٹ شیئرنگ پرآگے بڑھنے کا کام کیا ہے۔ آرجے ڈی- کانگریس کاعظیم اتحاد نہ بہارمیں چلنے والا ہے اورنہ ہی ملک میں۔ یہ لوگ بی جے پی اوروزیراعظم نریندرمودی کے خلاف پروپیگنڈہ کرکےعوام کوگمراہ کررہے ہیں، اس لئے الیکشن میں عوام اس کا جواب دے گی۔ کانگریس اورآرجے ڈی جیسی پارٹیاں عوام میں یہ دکھا رہی ہیں کہ ہم ابھی زندہ ہیں، لیکن حقیقت میں یہ سب آکسیجن پرچل رہے ہیں۔ اپوزیشن کنہیا کمارجیسے لوگوں کو بہارمیں اپنا ماڈل بنارہا ہے تواس کا بھگوان ہی مالک ہے۔ عوام ایسے لوگوں کو کبھی معاف نہیں کرے گی۔