جاوید اختر بولے۔ برقع سے پہلے گھونگھٹ پر بھی پابندی لگنی چاہئے

فلمی نغمہ نگار اور متعدد ایوارڈوں سے سرفراز جاوید اختر نے آج کہا ہے کہ ملک میں اگر برقع پر پابندی لگنے کی بات ہو رہی ہے تو پہلے گھونگھٹ پر پابندی لگنی چاہئے۔ بالی ووڈ فلموں میں متعدد مشہور گیتوں کے خالق جاوید اختر نے یہاں نامہ نگاروں کے سوالوں کے جواب میں کہا ہے کہ راجستھان میں بھی لمبے گھونگھٹ پہننے کی روایت ہے۔ اس طرح کے گھونگھٹ پہننے کی روایت پر پہلے پابندی لگنی چاہئے۔ دراصل پڑوسی ملک سری لنکا میں دہشت گردانہ حملے کے بعد برقع پر پابندی لگنے کی خبر سامنے آئی ہے۔ اس کے بعد ملک میں کچھ تنظیموں نے برقع پر بھی پابندی عائد کرنے کا مطالبہ کیا ہے۔ اس تعلق سے جاوید اختر سے سوال پوچھا گیا تھا۔ جاوید اختر نے اس سوال کے جواب میں کہا کہ برقع پر پابندی سے پہلے راجستھان میں انتخابات کے دوران گھونگھٹ پر بھی پابندی لگنی چاہئے۔