رافیل تنازع : راہل گاندھی نے وزیر اعظم مودی پر لگایا سنگین الزام ، نرملا سیتا رمن کے دورہ پر بھی اٹھایا سوال
12:35PM Thu 11 Oct, 2018
Share:
رافیل ڈیل پر کانگریس صدر راہل گاندھی نے پریس کانفرنس منعقد کرکے مرکزی حکومت پر سنگین الزامات عائد کئے ہیں ۔ انہوں نے مرکزی حکومت پر الزام عائد کرتےہوئے کہا کہ معاہدہ میں شامل ایک افسر نے بھی فرانس کے سابق صدر کے بیان کو صحیح بتایا ہے۔ انہوں نے کہا کہ رافیل معاہد براہ راست بدعنوانی کا معاملہ ہے ۔
کانگریس صدر راہل گاندھی نے کہا کہ اس معاملہ پر وزیر اعظم مودی خاموش ہیں ۔ راہل گاندھی نے وزیر دفاع نرملا سیتارمن کے دورہ پر بھی سوال کھڑا کیا۔ انہوں نے کہا کہ نرملا سیتا رمن نے اچانک فرانس کا دورہ کیوں کیا ، اس میں ایمرجنسی جیسی بات کیا تھی۔
Dassault is sitting on a huge contract. Dassault will say what the Indian govt wants it to say. Their internal document clearly stated that PM has said without this compensation the deal will not be done: Congress President Rahul Gandhi #RafaleDealpic.twitter.com/fTYq7bFZ7L
راہل گاندھی نے کہا کہ دساں کمپنی کے ساتھ کئی سطح پر کنٹریکٹ ہوئے ہیں۔ کمپنی وہی کہے گی جو ہندوستانی حکومت اس سے کہنے کیلئے کہے گی ۔ کمپنی کے اندرونی دستاویز میں لکھا گیا ہے کہ معاوضہ کے بغیر اس ڈیل کو پورا نہیں کیا جاسکتا ۔
