آج سے بدل رہے ہیں یہ قوانین ، آپ کی زندگی پر بھی اس کا پڑے گا اثر اس لئے ضرور جان لیں

بینک یا پوسٹ آفس سے ایک سال میں ایک کروڑ سے زیادہ پیسہ نکالنے پر دو فیصد ٹی ڈی ایس کاٹا جائے گا ۔ ایسا ڈیجیٹل ٹرانزکشن کو فروغ دینے کے مقصد سے کیا گیا ہے ۔ جنرل انشورینس کمپنیاں اب گاڑیوں کو زلزلہ ، سیلاب جیسی قدرتی آفات میں توڑ پھوڑ اور فسادات جیسے واقعات میں ہونے والے نقصان کیلئے الگ سے بیمہ کوور دستیاب کرائیں گی ۔ یکم ستمبر سے آن لائن ٹکٹ بک کرنا مہنگا ہوگا ۔ سلیپر کلاس کیلئے 20 روپے سروس چارج اور اے سی کلاس کیلئے 40 روپے دینا ہوگا ۔ جبکہ بھیم ایپ سے ادائیگی کرنے پر سلیپر کیلئے سروس چارج 10 روپے اور اے سی کیلئے سروس چارج 20 روپے دینا پڑے گا ۔ فی الحال سبھی بینک 10 بجے کھلتے ہیں ، لیکن نئے قوانین کے طابق صبح 9 بجے سے کھلنے لگیں گے ۔ جن لوگوں نے ابھی تک آدھار نمبر کو پین نمبر سے منسلک نہیں کیا ہے ، انہیں محکمہ انکم ٹیکس نیا پین کارڈ جاری نہیں کرے گا ۔ اب آپ اگر کوئی جائیداد خریدیں گے تو کار پارکنگ ، بجلی اور پانی کی سہولت اور کلب ممبر شپ جیسی دیگر سہولیات پر خرچ بھی ٹی ڈی ایس کے دائرے میں آئے گا ۔