پارلیمانی کمیٹی نے یو جی سی اور اے آئی سی ٹی ای پرکڑی تنقید کرتے ہوئے افسوس کا اظہار کیا

فروغ انسانی وسائل کی ترقی کی وزارت سے منسلک پارلیمانی کمیٹی نے ملک میں اعلی تعلیم کے معیار میں کمی کے لئے پرائیویٹ اور سرکاری تعلیمی اداروں کو بھی ذمہ دار ٹھہرایا ہے اور ان پر لگام لگانے میں ناکامی کے لئے یونیورسٹی گرانٹ کمیشن(یو جی سی) اورآل انڈیا گاؤنسل فار ٹیکنیکل ایجوکیشن (اے آئی سی ٹی ای) جیسے بڑے اداروں پر بھی تنقید کی ہے۔ بھارتیہ جنتا پارٹی کے ستیہ نارائن جٹيا کی صدارت میں تشکیل شدہ کمیٹی نے اپنی 274 صفحات پر مشتمل رپورٹ میں یہ تبصرہ کیا ہے۔ سال 16-2015 کی گرانٹ مطالبات کے سلسلے میں اس رپورٹ میں کی گئی سفارشات پر حکومت کی طرف سے کی گئی کاروائی کو ناکافی قرار دیتے ہوئے کمیٹی نے وزارت کے جوابات پر بھی افسوس کا اظہار کیا ہے