تیج بہادر یادو کی عرضی سپریم کورٹ میں خارج ، وارانسی سے رد ہوا تھا پرچہ نامزدگی

واضح ر ہے کہ تیج بہادر کے ایک ویڈیو نے تنازعہ کھڑا کر دیا تھا جس میں وہ الزام لگاتے ہوئے کہہ رہے تھے کہ بی ایس ایف کے جوانوں کو ناقص کھانا دیا جا رہا ہے۔ اس کے بعد انہیں بی ایس ایف سے برطرف کر دیا گیا تھا۔ ضلع الیکشن افسر سریندر سنگھ نے تیج بہادر یادو کی طرف سے پیش کردہ کاغذات نامزدگی کے دو سیٹوں میں ’خرابیاں‘ پاتے ہوئے ان سے ایک دن نو آبجیکشن سرٹیفکیٹ جمع کرانے کو کہا تھا۔ تیج بہادر نے 24 اپریل کو آزاد اور 29 اپریل کو ایس پی کے امیدوار کے طور پرچہ نامزدگی داخل کیا تھا۔ انہوں نے بی ایس ایف سے برطرفی کے متعلق دونوں پرچوں میں مختلف دعوے کیے تھے۔ اس پر ضلع الیکشن دفتر نے تیج بہادر کو نوٹس جاری کرتے ہوئے نو ابجیکشن سرٹیفکیٹ پیش کرنے کی ہدایت دی تھی۔ تیج بہادر سے کہا گیا تھا کہ وہ بی ایس ایف سے اس بات کا نو ابجیکشن سرٹیفکیٹ پیش کریں ، جس میں ان کی برطرفی کی وجوہات ہوں ۔ ضلع مجسٹریٹ سریندر سنگھ نے عوامی نمائندگی قانون کی دفعہ نو اور دفعہ 33 کا حوالہ دیتے ہوئے کہا کہ یادو کا اندراج اس لئے قبول نہیں کیا گیا کیونکہ وہ مقررہ وقت میں ضروری دستاویزات پیش نہیں کر سکے۔