یوگی حکومت میں محسن رضا کو ملی سائنس و ٹیکنالوجی ، اطلاعاتی ٹیکنالوجی ، مسلم وقف اور حج کے محکموں کی ذمہ داری

لکھنو : اترپردیش میں یوگی آدتیہ ناتھ کی قیادت میں تشکیل پائی بی جے پی حکومت میں وزرا کو قلمدان تقسیم کردئے گئےہیں ۔ وزیر اعلی یوگی آدتیہ ناتھ نے داخلہ سمیت تقریبا 40 محکمے اپنے پاس پاس رکھے ہیں ۔ کابینہ میں وزیر مملکت کی حیثیت سے شامل کئے گئے واحد مسلم وزیر محسن رضا کو محسن رضا کو سائنس و تکنالوجی، اطلاعاتی تکنالوجی، مسلم وقف اور حج کے محکموں کی ذمہ داری دی گئی ہے۔ خیال رہے کہ سماجوادی پارٹی کے دور اقتدار میں سائنس اور ٹیکنالوجی کا محکمہ نارد رائے کے پاس تھا جبکہ حج سے وابستہ امور کی ذمہ داری اعظم خان کے سپرد تھی۔ نئی حکومت میں یہ دونوں ذمہ داریاں محسن رضا کو دی گئی ہیں۔