ریلی سے پہلے کانگریس صدر راہل گاندھی کا پیغام ، میں ممتا دیدی کے ساتھ ، پورا اپوزیشن ہے متحد

کانگریس صدر راہل گاندھی گرچہ ممتابنرجی کی دعوت پر19جنوری کی ریلی میں شریک نہیں ہورہے ہیں تاہم انہوں نے وزیر اعلیٰ کے نام خط لکھتے ہوئے ممتا بنرجی کے قدم کی حمایت کرتے ہوئے کہا کہ پورا اپوزیشن متحد ہے، میں دل سے ممتا دیدی کی حمایت کرتا ہوں، مجھے امید ہے کہ اس ریلی سے ملک بھر میں مثبت پیغام جائے گا۔ ترنمول کانگریس کی صدر اور وزیرا علیٰ ممتا بنرجی نے کانگریس صدر راہل گاندھی اور یوپی اے چیئرپرسن سونیا گاندھی کو اپوزیشن جماعت کی ریلی میں شرکت کی دعوت دیدی تھی۔سونیا گاندھی بیمار ہیں تاہم راہل گاندھی شرکت کرنے کی بجائے سینئر کانگریسی لیڈر ملکا ارجن کھڑکے کو اپنے نمائندے کے طور پر بھیجنے کا فیصلہ کیا ہے۔ در اصل مغربی بنگال کانگریس یونٹ نے راہل گاندھی اور سونیا گاندھی سے ملاقات کرکے ممتا بنرجی کی ریلی میں شریک نہیں ہونے کی درخواست کی تھی۔ بنگال میں کانگریس کسی بھی جماعت کے ساتھ اتحاد کیے بغیر انتخاب لڑنے کی تیاری کررہی ہے۔