ماب لنچنگ پربولے پی ایم مودی: نوجوان کی موت کے لیے ریاست کو نہیں ٹہرایاجاسکتاہے ذمہ دار

راجیہ سبھا میں صدرجمہوریہ کے خطاب پراظہارتشکرکرتے ہوئے وزیراعظم نریندرمودی نے جھارکھنڈ میں  ہوئے ماب لنچنگ کے واقعہ پرافسوس کا اظہارکیا۔ اس موقع پرپی ایم مودی نے مہلوک تبریزانصاری کے اہل خانہ سے اظہار تعزیت کیا۔ پی ایم مودی نے اپوزیشن کے بیانات کا حوالہ دیتے ہوئے کہا کہ ہم یہ نہیں کہے سکتے ہیں کہ جھارکھنڈ ماب لنچنگ کا اڈہ بن گیاہے۔نریندرمودی نے ایوان سے خطاب کے دوران کہا کہ مجھے نوجوان کی موت کا دکھ ہے۔یقیناً قصورواروں کو سزاء ملنی چاہیے۔ لیکن اس واقعہ کے لیے پوری جھارکھنڈ ریاست کو ذمہ دارٹہراناغلط ہے۔ جھارکھنڈ ہمارے ملک کا اہم حصہ ہے۔مودی کا کہناہے کہ  جرائم ہونے پرقانون کے ذریعہ انصاف حاصل کیاجاناچاہیے۔ تشدد کہیں بھی ہو قانون ایک ہونا چاہیے۔ ملک کے ہرشہری کی حفاظت حکومت کی ذمہ داری ہے۔ وزیراعظم نریندرمودی نے اپوزیشن کو آڑے ہاتھوں لیتے ہوئے آج کہا کہ عوام ملک کو پرانے دور میں لے جانے کےلئے تیارنہیں ہے بلکہ وہ نئے ہندوستان کے خواب کو پورا کرنے کےلئے تیار ہے اس لئے سبھی کو مل کر گاندھی کے ماڈل کو آگے بڑھاتے ہوئے نئی نسل کی امیدوں کو پورا کرنے کےلئے ملک کی تعمیر میں تعاون کرنے کی ضرورت ہے۔