اماراتی ولی عہد کی سعودی فرمانروا سے ملاقات

متحدہ حدہ عرب امارات کے ولی عہد الشیخ محمد بن زاید نے منگل کو الریاض میں خادم الحرمین الشریفین شاہ سلمان بن عبدالعزیز آل سعود سے ملاقات کی۔ اس ملاقات کے موقع پر سعودی عرب کے ولی عہد شہزادہ محمد بن سلمان بھی موجود تھے۔ سعودی عرب کی سرکاری نیوز ایجنسی 'ایس پی اے'کے مطابق اماراتی ولی عہد اور سعودی فرمانروا کےدرمیان ہونے والی بات چیت میں دو طرفہ تعلقات اور علاقائی صورت حال پر تبادلہ خیال کیا گیا۔