ششی تھرور نے وزیراعظم مودی پردیا قابل اعتراض بیان، بی جے پی نے کہا "شیوبھکت راہل گاندھی ملک سے معافی مانگیں"۔

تھرور نے سی بی آئی رشوت معاملے کے لئے بھی مودی حکومت پرتنقید کی۔ انہوں نے حکومت کی تنقید کرتے ہوئے کہا کہ موجودہ حکومت میں وزارت اوراختیارات یافتہ افسروں کو بھی اپنے فیصلے پر پی ایم او سے اتفاق رائے کا انتظارکرنا پڑا ہے، جوکہ بہت ہی بدقسمتی والی بات ہے۔ کانگریس ممبرپارلیمنٹ کے اس تبصرہ پربی جے پی نے سخت اعتراض کیا ہے۔ وزیرقانون روی شنکرپرساد نے کہا "کانگریس ہندو دیوی - دیوتاوں کی توہین کررہی ہے، جسے کسی قیمت پربرداشت نہیں کیا جائے گا۔ راہل گاندھی خود کو شیوبھکت کہتے ہیں۔ انہیں یہ بتانا چاہئے کہ اپنی پارٹی کے ایک لیڈر کی اس نازیبا تبصرہ سے وہ متفق ہیں یا نہیں۔ تھرورکے بیان کے لئے شیو بھکت راہل گاندھی برائے مہربانی وزیراعظم مودی اورملک سے معافی مانگیں"۔ روی شنکرپرساد نے کہا کہ یہ کانگریس کی بوکھلاہٹ کا نتیجہ ہے کہ وہ بنیادی سطح پرحد سے بھی تجاوز کرگئی ہے۔ یہی وجہ ہے کہ الیکشن آنے پروزیراعظم مودی پرنازیبا الفاظ کا استعمال کیا جارہا ہے، لیکن عوام یہ سب دیکھ رہی ہے اورسابقہ کی طرح وزیراعظم پروہ جتنے حملے کریں گے، وزیراعظم اتنے ہی مضبوط ہوکرابھریں گے۔