بی جے پی کی حکومت والی ریاستوں میں دلتوں پر سب سے زیادہ مظالم : راہل گاندھی

گاندھی نے کہا کہ وہ اور کانگریس پارٹی دلتوں کے خلاف مظالم کے حقائق کی ضرور جانچ کرے گی۔ اس سے پہلے کانگریس صدر اور بی جے پی صدر نے ایک دوسرے پر دلتوں کی احیائے نو کے لئے کچھ نہیں کرنے کا الزام لگائے اور مسٹر امت شاہ نے مسٹر راہل گاندھی کو چیلنج کرتے ہوئے کہا تھا کہ وہ بی جے پی پر الزام لگانے سے پہلے حقائق کی جانچ کیا کریں۔ اسی تناظر میں ایک میڈیا رپورٹ میں این سی آر بی کے 2016 کے اعداد و شمار کے حوالے سے بتایا گیا ہے کہ دلتوں پر ظلم و زیادتی کے معاملات میں سر فہرست پانچ ریاستیں اتر پردیش، بہار، راجستھان، مدھیہ پردیش اور آندھرا پردیش ہیں۔ ان میں سے بہار (14 فیصد)، راجستھان (12.1 فیصد) اور مدھیہ پردیش (12.3 فیصد) بی جے پی کی حکومت میں ہے۔ ان تین ریاستوں میں دلتوں کی 20 فیصد آبادی رہتی ہے۔