بہار این ڈی اے میں اتفاق ، جے ڈی یو اور بی جے پی 17-17 جبکہ ایل جے پی 6 سیٹوں پر لڑے گی الیکشن

این ڈی اے کے درمیان بہار میں لوک سبھا سیٹوں کی تقسیم کا آج اعلان کردیا گیا ہے ۔ بہار میں جے ڈی یو اور بی جے پی 17 ، 17 سیٹوں پر الیکشن لڑے گی جبکہ 6 سیٹوں پر رام ولاس پاسوان کی پارٹی ایل جے پی اپنے امیدوار میدان میں اتارے گی ۔ ساتھ ہی ساتھ امت شاہ نے اعلان کیا کہ رام ولاس پاسوان کو این ڈی اے راجیہ سبھا میں بھی بھیجے گی ۔ بہار میں سیٹوں کی تقسیم کا اعلان بی جے پی کے صدر امت شاہ ، بہار کے وزیر اعلی نتیش کمار اور ایل جے پی کے لیڈر رام ولاس پاسوان نے کیا ۔ اس موقع پر رام ولاس پاسوان کے بیٹے چراغ پاسوان بھی موجود تھے ۔