ہندوستان نے پاکستان کے جھوٹ کو کیا بے نقاب ، ایف 16 طیارہ سے داغی گئی میزائل کے ٹکڑے کو دکھایا

ہندوستان کی تینوں افواج نے جمعرات کو پریس کانفرنس کی ۔ اس پریس کانفرنس میں ہندوستان نے پاکستان کے جھوٹ کو بے نقاب کردیا ۔ پاکستان نے بدھ کو کہا تھا کہ اس نے ہندوستانی فوج پر حملہ کیلئے ایف 16 طیارہ کا استعمال نہیں کیا تھا ، لیکن ہندوستانی فوج نے ایف 16 سے داغی گئی میزائل کے ٹکڑے کو دکھا کر پاکستان کی پول کھول کر رکھ دی ۔ پاکستان نے ہندوستان کے فوجی ٹھکانوں کو نشانہ بنانے کیلئے ایف 16 طیارہ سے اے اے آر اے ایم میزائل داغی تھی ۔ اس میزائل کی خاصیت یہ ہے کہ اس کو صرف ایف 16 طیارہ سے ہی داغا جاسکتا ہے ۔ میزائل کے ٹکڑے نے پاکستان کے اس دعوی کو جھوٹا ثابت کردیاہے کہ اس نے ہندوستان کو نشانہ بنانے کیلئے ایف 16 طیارہ کا استعمال نہیں کیا تھا ۔