جولائی 16: آج اردو کے معروف شاعر سرور عثمانی کی سالگرہ ہے

تحریر : ابو الحسن علی بھٹکلی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ آتے جاتے موسموں کا سلسلہ باقی رہے روز ہم ملتے رہیں اور فاصلہ باقی رہے

سرور عثمانی پیدائش 16 ؍ جولائی 1946 کو گیا کے اور موجودہ نوادہ ضلع کے گاؤں رجہت میں ہوئی تھی ۔ ان کے والد جناب قیوم اثر ایک بڑے اور اہم سوشلسٹ لیڈر تھے ، جو کہ جارج فرنانڈس کے قریبی دوستوں میں تھے ۔ جناب سرور عثمانی کی تعلیم وتربیت ان کے والدین کے زیر سایہ ہوئی ، اس کے بعد انھوں نے اعلیٰ تعلیم حاصل کر یونین بینک کی ملازمت اختیا ر کر دی اور رانچی میں اس بینک کے اعلیٰ عہدہ سے سبکدوش ہوئے ۔ ان کی شاعری ایک خاص معیار سے تعلق رکھتی تھی ۔ ’جانم‘ اور ’رفتہ رفتہ‘ کے نام سے ان کے دو شعری مجموئے زیر ترتیب تھے ۔ ایک ناولٹ ’ غزلم‘ بھی اشاعت کے مرحلے میں تھا ۔ جناب سرور عثمانی نے جنوری 1979 سے ایک شاندار ماہنامہ ’ اب‘ کے نام سے تاج انور، محمود واجد، م ق خاں، شاہد کلیم اور شاہین نظر کے ساتھ مل کر نکالنا شروع کیا تھا ، جو کی بعد میں کچھ تکنیکی دشواریوں کی وجہ کر ’مفاہیم‘ مین بدل گیا ۔ اس کے کئی خوبصورت شماروں کے ساتھ ساتھ کئی خاص نمبر مثلاََ ’جدید اردو کہانی نمبر‘’ 1980 کا ادب نمبر ‘ ایک دستاویز کی حیثیت رکھتے ہیں ۔ ابھی حال ہی میں جناب سرور عثمانی نے ’مفاہیم‘ کے دو ضخیم شمارے رانچی سے نکالے تھے ، جنھیں ادبی حلقون میں کافی پسند کیا گیا تھا ۔ ان کا پروگرام ناولٹ اور نظموں پر خصوصی شمارے نکالنے کا تھا ۔ افسوس کہ زندگی نے وفا نہیں کی ۔جناب سرور عثمانی 26 ؍ جون 2015 کو رمضان المبارک کے ماہ میں جمعہ کے روز جناب سرور عثمانی کی موت یقیناََ انھیں جنّت الفردوس میں دلائیگی ۔ اللہ انھیں مغفرت کرے اور ان کے پسماندگان کو صبر جمیل عطا کرے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ منتخب کلام ۔۔۔۔۔۔۔۔۔۔۔۔۔۔۔۔۔۔۔۔۔۔ قطعہ ۔۔۔۔۔۔۔۔۔۔ عمر بھر آہ بھروں گا مجھے معلوم نہ تھا اپنے ساۓ سے ڈروں گا مجھے معلوم نہ تھا کون آتا ہے دبے پاؤں نیا غم لے کر روز قسطوں میں مروں گا مجھے معلوم نہ تھا ۔۔۔۔۔۔۔۔۔۔۔۔۔۔۔۔۔۔۔۔۔۔ آتے جاتے موسموں کا سلسلہ باقی رہے روز ہم ملتے رہیں اور سلسلہ باقی رہے کھا گئیں دریا کی موجیں خواب آور گولیاں بادبانی کے لۓ پاگل ہوا باقی رہے کل کوئی بوڑھا مصور مجھ سے ملنے آۓ گا اے میرے منصف مری تھوڑی سزا باقی رہے شاعری کرتے رہو لیکن رہے اتنا خیال دشمنوں سے دوستی کا حوصلہ باقی رہے ۔۔۔۔۔۔۔۔۔۔۔۔۔۔۔۔۔۔۔۔۔۔۔ منتظر کوئی سرِراہ گذر ایسا ہے ختم ہوتا ہی نہیں شوق سفر ایسا ہے اپنی اوقات سے باہر ہے وہاں تک جانا جا بسا دور بہت نور نظر ایسا ہے اے خدا اور بھی تعظیم کی صورت نکلے سربسجدہ نہیں ہوتا میرا سر ایسا ہے اس کی تعمیر میں صدیاں بھی گذر سکتی ہیں نامکمل ہے ابھی تک میرا گھر ایسا ہے اب کسی خواب کے آنے کی توقع ہے فضول ہو گیا بند میرے خواب کا در ایسا ہے ۔۔۔۔۔۔۔۔۔۔۔۔۔ نظم سارباں نیا سا ہے ۔۔۔۔۔۔۔۔۔۔۔۔۔۔۔۔۔ کل کوئی نیا منصف عدل کرنے آۓ گا درد مدعی ہو گا بے لباس صحرا میں قاصہء جنوں لے کر سندھ باد سویا ہے کیسی بے پناہی ہے آج ریت کا بستر تہ وہ کر نہیں سکتا غم کی حکمرانی کا کس طرح یقیں آۓ کوئی میری نظموں کی بازیافت میں گم ہے قافلہ رکا سا ہے سارباں نیا سا ہے ۔۔۔۔۔۔۔۔۔۔۔۔۔۔۔۔۔۔۔۔