سیاچن : 15 دنوں میں برفانی تودہ گرنے کا دوسرا حادثہ ، برف میں دبنے سے دو جوان شہید

خیال رہے کہ کچھ دنوں قبل ہی دنیا کے سب سے اونچے جنگی علاقہ سیاچن گلیشیئر میں تودہ گرنے کے ایک واقعہ میں فوج کے چار جوان شہید ہوگئے تھے ۔ برف میں دبنے سے دو شہریوں کی بھی موت ہوگئی تھی ۔ فوج کے افسران کے مطابق جس علاقہ میں یہ حادثہ پیش آیا تھا ، وہ 19 ہزار فٹ یا اس سے بھی زیادہ کی اونچائی پر واقع ہے ۔ ہندوستانی فوج کے مطابق 19 نومبر کو 8 رکنی گشٹی ٹیم طوفان میں پھنس گئی تھی ۔ ان 8 میں سے سات بری طرح زخمی ہوگئے تھے ، جنہیں فورا میڈیکل ٹیم کے ساتھ ہیلی کاپٹر کے ذریعہ نزدیک کے اسپتال میں علاج کیلئے بھیج دیا گیا تھا ۔ لیکن چھ کی موت ہوگئی تھی ۔ ان چھ میں سے چار جوان اور دو قلی تھے ۔ ان سبھی کی موت ہائپوتھرمیا کی وجہ سے ہوئی تھی ۔ ہائیپوتھرمیا جسم کی وہ حالت ہوتی ہے ، جس میں بدن کی گرمی معمول سے بہت کم ہوجاتی ہے۔