بڑی خبر: آدھار کارڈ کو لیکر کمپنیوں نے ڈالا دباؤ تو لگے گا 1 کروڑ کا جرمانہ

آدھار کارڈ کو لیکر کئی تبدیلیاں کی جارہی ہیں۔ میڈیا رپورٹس کے مطابق آدھار کی لازمیت کو لیکر مرکزی حکومت نے اہم فیصلہ لیا ہے۔ اب آپ کو بینک اکاؤنٹ کھلوانے یا پھر سم کارڈ لینے کیلئے آدھار کارڈ دینا ضروری نہیں ہوگا۔ یہ آپ کے اوپر ہوگا کہ آپ آدھار دکھانا چاہتے ہیں یا نہیں۔ پہچان اور پتے کے طور پر آدھار کارڈ کیلئے دباؤ بنانے پر بینک اور ٹیلی کام کمپنیوں کو ایک کروڑ روپئے تک کا جرمانہ بھرنا پڑ سکتا ہے۔ حکومت نے پریوینشن آف منی لانڈرنگ ایکت اور ہندستانی ٹیلی گراف ایکٹ ترمیم کر کےاس قانون کو شامل کیا ہے۔ پیر کو مرکزی کابینہ نےحالیہ حکم کو دھیان میں رکھتے ہوئے یہ فیصلی لیا گیا ہے۔  سپریم کورٹ نے کہا تھا کہ یونک آئی ڈی کو صرف ویلفیئر اسکیموں کیلئے استعمال کیا جا سکتا ہے۔