جموں وکشمیر حکومت کا ایک اور بڑا اقدام ، اردو زبان کو پرائمری سطح تک لازمی مضمون بنانے کا اعلان

ایک سرکاری عہدیدار نے بتایا کہ اردو کو ریاست کے تمام سکولوں میں پرائمری سطح تک لازمی مضموں کے طور پر پڑھانے سے نہ صرف ریاست کی سرکاری زبان کو فروغ ملے گا بلکہ اس زبان میں ڈگریاں حاصل کرچکے نوجوانوں کو روزگار فراہم ہوگا‘۔ذرائع نے بتایا کہ ریاستی حکومت نے کئی سرکاری محکموں بالخصوص ’محکمہ مال‘ میں ہونے والی تقرریوں کے لئے ’اردو زبان‘ سے واقفیت کو لازمی قراردے رکھا ہے لیکن جموں اور لداخ سے تعلق رکھنے والے بے روزگار نوجوان یہ کہتے ہوئے ’اردو‘ سے واقفیت کو ’ناانصافی‘ قرار دے رہے تھے کہ انہیں اپنے سکولوں میں ’اردو‘ نہیں پڑھائی گئی۔ جموں سے تعلق رکھنے والے ایک نوجوان نے بتایا ’یہ ہمارا دیرینہ مطالبہ تھا کہ اردو کو یا تو تمام سکولوں میں لازمی مضمون کے طور پر پڑھایا جائے یا اسے نوکریوں کے لئے لازمی شرط کے طور پر ہٹایا جائے‘۔