کرناٹک : لنگایت معاملہ پر کانگریس میں پھوٹ ! بی جے پی میں جاسکتے ہیں پارٹی کے سینئر لیڈر شیو شنکرپا

انہوں نے میڈیا سے بات چیت میں کہا کہ میں نے پیر کو جلد بازی میں فیصلہ کا خیر مقدم کیا تھا ، مجھے اب احساس ہوگیا ہے کہ یہ ایک غلطی تھی ، کیونکہ مرکزی حکومت کو بھیجے گئے ریاست کے سفارش نامہ میں واضح طور پر کہا گیا ہے کہ جو کوئی بھی اس مذہب کو مانے گا اس کو اقلیتی کا درجہ دیا جاسکتا ہے ، ہم اس کی مخالفت کررہے ہیں کیونکہ ویر شیو کمیونٹی ، باسوننا سے پہلے بھی تھی ، جس نے 12 ویں صدی میں لنگایت مذہب کی بنیاد رکھی تھی ، ہمیں لگتا ہے کہ حکومت نے دھوکہ کیا ہے۔ ان لیڈروں کی بغاوت کے فورا بعد ہی کرناٹک میں بی جے پی کے ریاستی صدر بی ایس یدی یورپا نے کہا کہ کانگریس کے ایک بڑے لیڈر بی جے پی میں شامل ہوسکتے ہیں۔ ذرائع کے مطابق جمعہ کو راجیہ سبھا الیکشن کے بعد شیوشنکرپا اور ان کے بیٹے ایس ایس ملکاارجن دونوں بی جے پی میں شامل ہوجائیں گے۔