اے ایم یو تنازع پر امت شاہ نے کہا : جو شخص ملک کی تقسیم کا ذمہ دار ہو ، اس کی تصویر سینٹرل یونیورسٹی کیمپس میں کیسے لگائی جاسکتی ہے ؟

امت شاہ نے کہا کہ کرناٹک میں ان کی پارٹی کی جیت کو لے کر کوئی شک نہیں ہے۔ انہوں نے کہا کہ گزشتہ کچھ برسوں سے جیت کا جو سلسلہ شروع ہوا ہے ، اسے بی جے پی جاری رکھے گی ۔ لنگایت کو الگ مذہب کا درجہ دینے کی بات کہہ کر کیا کانگریس نے ماسٹر اسٹروک کھیلا ہے ؟، اس کے جواب میں شاہ کہتے ہیں کہ میڈیا چینلوں اور صحافیوں کے علاوہ یہ سوال کسی اور کے دماغ میں نہیں ہے۔ سابق وزیر اعظم اور جے ڈی ایس دیو گوڑا کی طرف بی جے پی کے نرم رویہ پر امت شاہ نے کہا کہ وہ ایک سینئر اور معزز لیڈر ہیں ، لیکن ایک لیڈر کی تعریف کرنے یا ان کا احترام کرنے کا یہ مطلب نہیں ہے کہ ان سے اتحاد کرنے والے ہیں۔ شاہ نے کہا کہ انہیں دیو گوڑا کی پارٹی کی حمایت کی ضرورت نہیں پڑے گی ۔ ان کی پارٹی خود ہی جیت حاصل کرے گی۔