اے ایم یو - جناح تنازع پر حامد انصاری نے توڑی خاموشی ، کہا : واقعہ کے وقت سے اٹھتا ہے سوال

اے ایم یو میں تعلیم حاصل کرچکے حامد انصاری نے کہا کہ رکاوٹ ڈالنا ، اس کا وقت اور اسے صحیح ٹھہرانے کیلئے بنایا گیا بہانا سوال اٹھاتا ہے۔ انہوں نے اے ایم یو طلبہ یونین کو لکھے ایک خط میں کہا ہے کہ اس کو لے کر طلبہ کا پرامن احتجاج قابل تعریف ہے۔ انہیں یہ یقینی بنانا چاہئے کہ اس کی وجہ سے کسی بھی طرح ان کی تعلیمی سرگرمیاںمتاثر نہ ہوں۔ انہوں نے کہا کہ گزشتہ دو مئی کے پروگرام کے بارے میں سب کو معلومات تھی ، جس میں کینیڈی آڈیٹوریم میں ان کی ایک تقریر شامل تھی ۔ پروگرام سے وابستہ افسروں کو باضابطہ اس سے معلومات دی گئی تھی اور وہ ایسے موقع پر ہونے والی سیکورٹی سمیت سبھی بندوبست سے باخبر تھے۔ سابق نائب صدر جمہوریہ نے کہا کہ اس کے باوجود کیمپس میں داخل ہونےو الے لوگوں کا یونیورسٹی گیسٹ ہاوس تک پہنچنا ابھی بھی راز بناہوا ہے، جہاں میں ٹھہرا ہوا تھا ۔ سابق نائب صدر انصاری نے انہیں اعزاز دینے کیلئے اے ایم یو طلبہ یونین اور اس کے عہدیداروں کا شکریہ بھی ادا کیا۔