کفرٹوٹاخداخداکرکے (از:محمدشارب ضیاء رحمانی)

دوسال قبل بہارکی ریلی میں مودی نے کہاتھاکہ اہل بہارنے سکندرجیسے فاتح کونہیں چھوڑا۔جب وہ اپنی فاتحانہ مہم کے ساتھ بہارکی طرف بڑھاتوبہاریوں نے اسے یہاں سے ماربھگایا۔تاریخی حیثیت اس بیان کی جوبھی ہولیکن خودکوسکندراوراشوک سمجھنے والے تاناشاہ کے اقتدارکانشہ بہارنے چورکردیااورایسی کراری ہارسے نوازاکہ کہ مودی اورامت شاہ کی جوڑی پرپڑے زوردارطمانچہ کی گونج پاکستان کیاپوری دنیامیں سنی گئی،مرکز کی سب سے بڑی پارٹی بہارکی تیسری درجہ کی جماعت بن کررہ گئی۔آرایس ایس کی ساری کوششیں بیکارہوئیں اورمرکزی وزراء کاکام دھنداچھوڑکربہارمیں ڈیرہ ڈالناکام نہ آیا۔ سیکولرزم کی جیت پرپٹاخے پاکستان میں نہیں،بہارمیں بلکہ پورے ملک میں پھوڑے جارہے ہیں۔مودی اینڈکمپنی نے جس طرح اہل بہارکولڑانے کی کوشش کی،عوام نے اسے مستردکردیا۔دلچسپ بات یہ رہی کہ جیسے ہی آٹھ بجے کاؤنٹنگ شروع ہوئی توابتدائی مرحلہ میں این ڈی اے کوواضح اکثریت مل رہی تھی جس کے بعد’’جے شری رام اورہرہرمودی‘‘کے نعرے لگنے لگے ،بی جے پی دفترکے سامنے مٹھائی اورپٹاخے کی دکانیں کھلنے لگیں،مانجھی نے تووزیراعلیٰ کیلئے اپنی دعویداری بھی پیش کردی۔اس وقت ٹی وی چینلوں اوربی جے پی لیڈروں کے دماغ اورزبان کاجواب نہیں تھا۔چراغ پاسوان سے لے کرشہنوازحسین تک بس حکومت بنانے ہی جارہے تھے لیکن جیسے ہی پانسہ پلٹا،ترجمانوں کی بولتی بندہوگئی اورمنہ پررنگ پوت کر’’جے شری رام ‘‘کانعرہ لگانے والے جلدی جلدی منہ پوچھ کربی جے پی دفترسے بھاگنے لگے۔ اس سے بھی دلچسپ بات یہ رہی ہے کہ صبح صبح جس وقت این ڈی اے کوبرتری حاصل تھی،مودی برتھ ڈے کی مبارکباددینے اپنے ’’گرو‘‘اڈوانی کے گھرپہونچے ہوئے تھے لیکن وہ کوئی تحفہ کیادے پاتے،اس سے قبل ہی رجحانات میں تبدیلی دیکھ کرہوش ٹھکا نے لگ گئے لیکن اڈوانی اوران کے خیمہ نے ضرورراحت کی سانس لی ہوگی۔شتروگھن سنہاکابیان ’’کہ بہاری اورباہری ‘‘کافیصلہ ہمیشہ کیلئے ہوگیا، اسی کااشارہ ہے ۔اب اجتماعی ذمہ داری بتاکرمودی سے شکست کاٹھیکراہٹانے کی کوشش کی جارہی ہے۔جب کہ حقیقت یہ ہے کہ مودی نے دہلی میں کم اوربہارمیں زیادہ وقت دیا،مقابلہ مودی بنام نتیش تھا،جس میں دوبہاری پورے مرکز پربھارے پڑگئے۔امت شاہ ،مودی کے وزراء کے ساتھ پٹنہ میں ڈیرہ ڈالے تھے۔آرایس ایس نے بھی کیاکیاجتن نہیں کئے لیکن نفرت کی سیاست کوسیکولرعوام نے اکھاڑپھینکااوریہ نتیجہ بالکل قیاس سے بالاتررہا۔اس اتحادکاسب سے زیادہ فائدہ لالواورپھرکانگریس کوہوا۔اتنی شاندارکامیابی کی شایدامیدمہاگٹھ بندھن کوبھی نہیں ہوئی ہوگئی ۔اسکے لئے سب سے زیادہ مبارکبادکے مستحق مسلمان ہیں جنہوں نے دہلی کی طرح بہت خاموشی کے ساتھ اپنے اتحادویکجہتی کامظاہرہ کرکے ملک کی سیاست کونئی سمت دی ۔ممتابنرجی،کجریوال،عمرعبداللہ، راہل گاندھی،سونیاگاندھی نے سیکولرزم کی اس حفاظت پراہل بہارکومبارکباددی ہے۔لالونے صاف کردیاہے کہ راجدبڑی پارٹی بن کرابھری ضرورہے لیکن لڑائی مہاگٹھ بندھن نے لڑی ہے اس لئے پارٹی کاکوئی مسئلہ ہے ہی نہیں ،لالونے پورے بہار،اقلیتوں اورمسلمانوں کابھی شکریہ اداکیاہے۔ ٓتاریخ شاہدہے کہ کبھی بھی ، کسی کاستارۂ اقبال بلندنہیں رہاہے۔جب غرور،نخوت اورکبرحدسے گذرتاہے توظالموں پرخداکاعتاب نازل ہوتاہے۔نمردو،شداداورفرعون وسکندرجیسے شہ زورجب قضائے الٰہی کے آگے مجبورہوگئے تو فسطائیت ،فاشزم کی سیاست اورظلم کی حکمرانی آج بھی باقی نہیں رہ سکتی۔شرط یہ ہے کہ ہمارے اورہمارے اعمال نصرت الٰہی کے تقاضوں کے مطابق ہوجائیں۔خداتواپنے گھرکی حفاظت کاکام ابابیلوں سے بھی لے لیاکرتاہے ،وہ مسبب الاسباب ہے ،سبب کامحتاج نہیں۔حدیث کے مطابق ظالم کاتسلط ہماری بداعمالی اورخیرامت کے تقاضوں سے روگردانی کانتیجہ ہے۔ بی جے پی کی یہ سازش تھی کہ یوپی اوربہارفتح کرکے راجیہ سبھامیں اکثریت میں آئے اورپھراپنے ناپاک منصوبوں یعنی ہندواسٹیٹ کی طرف قانون سازی کی راہ ہموارکرسکے۔لیکن ان کے ناپاک عزائم سبوتاژہوگئے ۔ اب یوپی کے مسلمانوں کی سیاسی بصیرت کاامتحان ہوناہے،پنچایت الیکشن نے مثبت پیغام لایاہے اسے عملی جامہ پہنانے کی ضرورت ہے۔یوپی الیکشن اورپھرلوک سبھاکیلئے ابھی سے تیاری کرکے کل وقتی حل نکالناچاہئے۔یوپی میں کانگریس کومایاوتی کے ساتھ اتحادکرناانتہائی ضروری ہے،ابھی سے اسے اس کی حکمت عملی طے کرنی چاہئے ۔مہاراشٹراورجھارکھنڈکی صورتحال دوسری تھی۔وہاں بھی اگراین سی پی اورجھارکھنڈمکتی مورچہ کے ساتھ مل کرکانگریس الیکشن لڑتی تونتیجہ مختلف ہوتا۔ان ریاستوں میں بی جے پی جیتی نہیں ہے بلکہ کانگریس اپنی کرنی سے ہاری ہے۔ مسلمانوں کوزیادہ خوش فہمی میں مبتلاہونے کی ضرورت نہیں ہے ۔قابل فکرپہلویہ ہے کہ ہمیں اس نتیجہ سے کیاملا۔دہلی میں مسلمانوں نے کجریوال کوتخت وتاج سے نوازدیا،بدلہ میں کیاہوا؟۔ کیاہماری سیاست اورہماراوجودبس اس قدرہے کہ کسی پارٹی کواپنے سرپربٹھاکراقتدارکی منزل تک پہونچادیں۔اورپھرپانچ برسوں تک ہمارااستحصال اوراستعمال ہوتارہے۔کون نہیں جانتاکہ یہ سارے مسائل انہیں نام نہادسیکولرپارٹیوں کے پیداکردہ ہیں،بی جے پی تواسے عملی جامہ پہنارہی ہے ۔یونیفارم سول کوڈکاشوشہ کانگریس نے چھوڑا،بی جے پی ، اسے حکومتی ایجنڈے میں شامل کرکے اس پرآگے بڑھ رہی ہے،بابری مسجدکاتالاسیکولرزم کے علمبردارنے ہی کھولا،بی جے پی نے اسے شہیدکیا۔لیکن یہ بھی حقیقت ہے کہ یہ ہماری مجبوری تھی ،اس بارہمارے پاس کوئی متبادل بھی نہیں تھااسی لئے ہارڈفرقہ پرستی کے مقابلہ میں سافٹ کومنلزم کاساتھ دیناپڑا۔لمحہ فکریہ یہ ہے کہ کب تک ہم مجبوروبے بس رہیں گے اورکاسہ گدائی لے کردشمنوں کوپہچاننے کے باوجوداقتدارسے نوازتے رہیں گے۔ہمیں توکبھی بھی غیروں کو اپناہمرازاوردوست سمجھنے کی غلطی نہ کرنے کی واضح ہدایت دی گئی ہے۔وقت کی ضرورت ہے کہ اب اس سیاست سے باہرہوں،کانگریس،راجد،جدیو،ایس پی اوربی ایس پی اوراین سی پی کوئی مسلمانوں کی ہمدردپارٹی نہیں ہے۔آخرلالویادوبلکہ پورامہاگٹھ بندھن مسلمانوں کے ووٹ کادعویدارتھا،مسلمانوں نے صرف ملک کے مفادمیں ان کابھرپورساتھ دیاجس کی بدولت انہوں نے بہارپرپندرہ برسوں تک حکومت کی لیکن مہاگٹھ بندھن کے اس طرزعمل پربھی غورکرنے کی ضرورت ہے کہ اس نے 63یادؤں کوٹکٹ دیاجب کہ 33مسلمان امیدواربنائے گئے۔جب آپ ٹکٹ دیں گے ہی نہیں تومسلمان کہاں سے قانون سازاداروں تک پہونچ سکتاہے۔اندازہ لگائیے کہ مسلمانوں کی آبادی کاتناسب کیاہے اوریادؤں کاکیا،پھربھی اس کے تقریباََآدھے امیدواربنائے گئے۔جب ہمارے ووٹ کے دعویدارآپ ہیں تونمائندگی سے گھبراہٹ کیوں؟۔پھرتمام مسلم لیڈران،ڈاکٹرشکیل ،تسلیم الدین اورعبدالباری صدیقی پس منظرمیں ڈال دیئے گئے۔لالویادوووٹ لینے کیلئے مسلم یادوکی بات کرتے ہیں لیکن بات آتی ہے انہیں ان کے حقوق دینے کی اوران کی نمائندگی کی توپھرصرف یادوہی سامنے ہوتے ہیں۔مسلمانوں نے اپنی ذمہ داری اداکردی ہے،اس نے نہایت دانشمندی اورخاموشی کے ساتھ فرقہ پرستوں کوجواب دے دیا۔اب مہاگٹھ بندھن کی ذمہ داری ہے کہ ان کے مسائل کووہ سمجھیں۔ اب تک ہماری شکایت تھی کہ ساری جماعتوں بلکہ ذات برداری کے حساب سے بھی مختلف پارٹیاں ہیں لیکن ملک کی دوسری اکثریت ہونے کے باجودہماراکوئی سیاسی وزن نہیں ہے۔یااس مسئلہ کاکوئی کل وقتی حل نکلے گا۔اب سیاست میں ہمیں اجارہ دارنہ سمجھاجائے بلکہ اگرہمارے ووٹ کی ضرورت ہے توپھرنمائندگی دینی ہوگی،ہمارے مسائل حل کرنے ہوں گے۔اس حکومت سے یہ بھی مطالبہ کرناچاہئے کہ مسلمانوں کوسچرکمیٹی کی سفارشات کے مطابق تعلیم میں اورنوکری میں دس فیصدریزرویشن دیناچاہئے،کھل کراتنی حمایت اوراقتدارتک پہونچانے والے مسلما ن کیااس سے بھی گئے کہ اپنے مطالبات منوائیں۔مودی جی کے بقول نتیش جی نے سب کوٹے سے مسلم ریزرویشن کی بات کہی تھی اورراجدکے سنیئرلیڈرعبدالباری صدیقی بھی سب کوٹے سے نہیں الگ کوٹے سے ریزرویشن کاوعدہ اورخودلالوجی اشارہ کرچکے ہیں۔مسلمانوں کایہ بھی مطالبہ ہوناچاہئے کہ جس طرح سب سے زیادہ(نوے فیصد)مسلمانوں نے مہاگٹھ بندھن کوووٹ دیاہے تواسی ووٹنگ کے تناسب سے وزارت میں بھی حصہ داری چاہئے۔ورنہ مسلمان خودکوٹھگاہوامحسوس کریں گے۔اب انہیں مسلمانوں کے حوالہ سے پالیسی ،رویہ اورنظریہ بدلناہوگا۔اس ملک میں مسلمانوں نے بڑی قیمت اداکرکے سیکولرزم کی حفاظت کی ہے اورآج پھرانہوں نے سیکولرزم کے پرچم کوبلندکرکے کنگ میکرکاکراراداکیاہے۔